反黑英雄‧製作花絮丨朱晨麗帶隊肉搏勇擒毒販 鏡頭後打得辛苦嚇到飆汗

TVB新劇《反黑英雄》噚晚（25號）播出第一集，劇情除咗交代劇中角色關係，不論槍戰、肉搏定追捕匪徒場面，亦滿足觀眾視覺感觀效果。當中飾演反黑組督察彭穎琪嘅朱晨麗，喺第一集就帶隊去工業大廈追捕毒販，其間仲發生激烈槍戰同埋身肉搏。

拍攝呢幕追捕場口，朱朱盡量親身上陣，見到都唔錫身咁周圍跑，仲差啲跣低，由於涉及槍戰畫面，拍攝時現場不停爆破嘅反應彈，朱朱事後話有被嚇親，額頭仲滴住汗，而埋身肉搏場口，朱朱亦跟武指排練動作，務求做出勇猛感覺，雖然成個過程都好緊張，但係朱朱不時都喺鏡頭前展現佻皮一面。