林襄拍攝忍尿曾慘得膀胱炎唔再忍 李芷霖慘被出軌斬情絲重投工作

台灣啦啦隊女神 林襄 呢日同一樣係啦啦隊成員嘅 李芷霖 仲有 黃大謙 一齊出席代言活動，而林襄早前被指嚴重消瘦，令唔少人擔心佢嘅身體情況，不過見佢呢日氣息唔錯，相信已經冇乜大問題喇。

雖然只得41公斤重，不過林襄就認為身形已經啱啱好喇。曾經因為拍攝忍尿而搞到膀胱炎嘅佢，呢日又講到見過鬼怕黑，而家就唔會怕唔好意思，有需要就會即刻提出Toilet Break嘅要求，仲已經唔怕尷尬到外景去草叢都可以解決咁話。

而早前遭球星男友出軌搞到為情暴瘦嘅李芷霖，已經逐漸走出情傷之苦，仲話多得林襄一直陪伴關懷呀。