政府7.1公佈授勳名單 劉華修哥分獲銀銅紫荊星章

政府7.1回歸周年公佈新一批受勳人士名單，502位獲嘉獎嘅各界人士當中，娛樂圈嘅 劉德華 同 胡楓 同樣榜上有名，早喺20年前就曾獲政府頒發過榮譽勳章嘅華仔，到2008年又獲委任為太平紳士，2016年再獲銅紫荊星章，到今年更獲銀紫荊星章榮譽，政府仲讚揚入行40年嘅佢熱心公益，貢獻甚豐。

而華仔回應時就指出：「「感謝大家對我嘅肯定，我會繼續盡我本分，回饋社會。」

至於已年屆90有多嘅修哥，近年繼續活躍幕前，更分別於港澳開演唱會，活力絲毫未減，獲頒發銅紫荊星章，政府仲讚揚修哥喺業界同社會都備受尊敬同愛戴。另外，身為八和會館主席嘅粵劇界老倌 龍貫天(司徒旭)亦同樣受頒銅紫荊星章，勳銜頒授典禮將於今年稍後時間舉行。