伍仲衡羅敏莊多倫多開騷 機場見鋼琴身痕即開唱

一向講究穿透力嘅 伍仲衡 近日同 羅敏莊 應邀到多倫多演唱會同一個大型活動嘅表演嘉賓，喺《中年好聲音》兩季擔任評審被稱為「低分王」嘅佢，去到邊都大受歡迎，唔止餐廳遇到小Fans，就連到當地知名嘅尼亞加拉大瀑布參觀，都一樣有小妹妹求合照，仲講得出「穿透力」幾個字，伍Sir嘅滲透力真係唔講得笑。

雖然活動已經完成，不過伍Sir同Mimi就算去到機場，一見到鋼琴就即時技癢，一個埋位彈一個就潤喉開唱，隨口就嚟一段 陳百強 名作《深愛著你》，Mimi唱完兩句唔止向多倫多嘅大家拜拜道別，仲自帶升降台特效離場，非常搞笑。