林若盈生日會宣布改名林思彤 緋聞男友黃劍文拒獻Birthday Kiss

《中年好聲音2》嘅林若盈聯同一班中聲唱將補祝36歲生日，呢日女主角咗以歌會友會之外，更慎重地公布改名消息，原來林若盈已經改名為林思彤，佢解釋今次改名係緣份，用咗新名覺得個人好咗舒服咗，而引導佢改名嘅高人正是好友陳俞霏。至於今年生日願望，林思彤表示年紀漸長，身體健康好重要，希望多啲演出機會。

生日會上，中聲2包括王玥、陳蒨葶、陳俞霏、陳燕娜都有到賀，五小花合體一齊喺台上獻唱《紅茶館》、《有你真好》等舒情歌曲，難得重聚舞台，佢哋都好開心唱得特別投入。

曾經同林思彤傳過緋聞嘅黃劍文以及提攜佢參賽嘅曹敏寶都有到來，當大家起哄叫劍文吻賀壽星女時，兩人都有啲郤步，最後喺詢眾要求下，劍文只尷尬哄吓林思彤塊面了事，睇得出大家都為免誤會有所忌諱，不過就唔影響生日派對，大家一樣玩得咁開心。