古淖文8月凱旋回歸澳門開騷 開live耐心解答歌迷買飛疑問

《中年好聲音2》比賽完結後，一班中二生完全冇時間休息，工作滿檔之餘仲排住隊開騷。繼亞軍譚輝智之後，冠軍古淖文即將於8月3日於澳門舉行《I'm Home》個人演唱會。
古淖文開live同fans大談嚟緊嘅演唱會。
今次演唱會將以凱旋回歸為主題，皆因German喺《中年好聲音2》贏得冠軍，帶住呢份榮耀返到自己出生同成長嘅澳門，發亮發光。而為咗呈現最佳狀態，German近期密密操fit，希望可以完美駕馭演唱會嘅多套造型。
唔少古粉叫佢喺香港開演唱會。
由於粉絲非常緊張賣飛狀況，繼而安排酒店住宿等事宜，於是German特登喺出發到香港工作前，開live同粉絲傾偈，順便解答大家嘅疑問。開live期間，粉絲頻頻追問加場事宜。除咗希望澳門可以加場，香港粉絲亦都不斷追問可否喺香港加場，相信German自己都同粉絲一樣咁期待。

古淖文喺IG公佈好消息。