周吉佩新歌衝破一百萬點擊 與視障學童Jam歌分享追夢旅程

周吉佩呢日聯同佢嘅義工隊到心光盲人院暨學校探訪，吉吉到訪後不單同學生們玩遊戲，而且仲同視障學童Jam歌，特意選唱咗首《天下無雙》送畀學生們，寓意每人在世界上都係獨一無二，人生路上雖然各有不同，但每個人嘅生命都有義意。參加《中年好聲音》成名嘅吉吉，更同學生分享佢追夢過程，令一眾學生好有共鳴，而且感受到音樂將佢哋拉近連結一起，係前所未有嘅感覺。

吉吉特意帶同一對子女到來參與出一分力，大女包包同細仔Jasper喺現場都好投入去同小朋友玩以及幫助學童，吉吉希望子女明白幸福並非必然，想從小讓子女接觸行善，了解咩係同理心，而身教嘅方式比起任何方式更實際，見到一對子女咁懂事都好安慰。而自己嘅粉絲組成義工隊回饋社會，吉吉會同佢哋一齊保持初心。

吉吉早前推出新歌《Falling For You》，點擊已經衝破一百萬，成績非凡，佢感激粉絲嘅大力支持，以及獲得外間認同，會繼續做多啲音樂。對於樂壇攞獎佢就抱平常心，認為做好作品重要，只是早前得獎時太激動，坦言腦海湧現過去十幾回憶。