古淖文密密接Job冇時停 回歸騷獲兩百粉絲撐場

《中年好聲音2》冠軍歌手古淖文（German）早前宣布8月舉行《I'm Home》演唱會好消息，忙於籌備演出嘅German真係忙到冇時停，短短三日閃現中山、澳門、香港三地，同唔少大灣區歌迷相聚一堂。
 
古淖文與谷婭溦出席《好聲音追夢分享會》。

German首先喺6月29日出席喺澳門舉辦嘅《好聲音追夢分享會》，擔任神秘嘉賓嘅佢，輕鬆同谷婭溦分享贏得《中聲2》冠軍嘅心得，又同粉絲互動兼同溦溦一齊同澳門、香港粉絲合照。
 
中山《好聲音追夢分享會》粉絲合照。

第二日German就現身中山與安雅希同台擔任《好聲音歌唱回歸盛世》表演嘉賓，喺過千人嘅盛宴當中就有150名粉絲專程參加旅行團從香港到中山，浩浩蕩蕩支持偶像。部分Fan Club會員更有份參與大合照，現場見到偶像出現，大家爭相上前影相留念。
 
7月1日《香港共慶回歸賽馬日》與200古粉自拍。

回歸當日，German、周吉佩等中聲歌手為《香港共慶回歸賽馬日》表演擔任開幕表演嘉賓，呢次亦係German成為冠軍後，首次為回歸慶典表演，200位歌迷拉大隊為偶像打氣。完騷後，German特意到觀眾席同歌迷影相，又同吉吉喺活動專區一齊同粉絲玩遊戲，令大家盡慶而歸。
古淖文於賽馬活動專區與師兄周吉佩跟粉絲玩有獎問答遊戲。German是晚壓軸高歌一曲粉絲。