佘詩曼為外國升學契女餞行 網民指契媽逆齡變契姐

即使工作點忙都好，佘詩曼都將親情放喺首位，除咗係圈中出名嘅孝順女，鍾意小朋友嘅佢亦係身邊好姊妹小朋友嘅契媽。阿佘近日就喺社交平台分享一輯食飯相，帖文寫上「同契女餞行，話咁快又話去外國讀書喇～」。

阿佘契女準備出國讀書，身為契媽嘅佢呢日就餞行送別喇

阿佘仲滿滿記憶話記得十年前有一日，突然想畀驚喜契女，就走去佢學校接佢放學，當時契女仲好開心、好冧，眨吓眼就咁大個女喇。阿佘喺文尾仲展露不捨之情話「食完飯我呢個契媽心入面，雖然kick kick地，但係都要強忍不捨講bye bye…下次返嚟見喇」。

阿余一向寵愛好友嘅小朋友對小朋友可以話係愛不惜手

唔少網民紛紛祝阿佘契女學業進步外外，仲將焦點放喺佢哋外貌上，有人留言「兩母女變成兩姊妹」、「根本兩姊妹」、「契媽逆齡生長呀!」、「契女變成契妹了」。

連小動作都係阿余傾注愛意嘅對象