鄧麗欣認愛後首獻唱被嗌蜜桃臀 鄭秀文贈親製水泡餅頸鏈鼓勵其復出唱歌

鄭秀文紅館演唱會嚟到第五、六場，繼續有唔少圈中人捧場，包括佘詩曼、梁詠琪、森美同賴慰玲等，Sammi喺第五場就搵嚟第42屆香港電影金像獎「最佳原唱歌曲」得獎電影《填詞L》主題曲《填詞魂》作曲兼主唱者謝雅兒擔任表演嘉賓。謝雅兒出場時激動高呼「阿媽，我得咗啦！」全場歡呼。Sammi攬住佢話：「嘩，你緊張到成個人震晒，起晒雞！唔使驚，大家都會支持你。」之後Sammi手拖住雅兒走勻舞台合唱《默契》。
「最佳原唱歌曲」得獎電影《填詞L》主題曲《填詞魂》作曲兼主唱者謝雅兒擔任表演嘉賓。

之後雅兒激動感謝Sammi提攜，並說：「我細個屋企比較窮，只收藏一隻唱片，就係Sammi嘅《終身美麗》。我媽媽依家應該喊晒！」Sammi開心表示：「你咁有taste，所以今晚得到呢個機會。今年金像獎頒獎禮見到你攞獎我好感動，諗返我自己喺金像獎呢個旅途上都掙扎咗好多年，見到你攞獎嘅激動、真情流露，唱歌時嘅真摯，深深打動我！我哋都係追夢、都係夢想成真嘅人，所以唔好放棄！」

鄭秀文贈親製水泡餅頸鏈鼓勵鄧麗欣復出唱歌。

Stephy早前被爆岀Pool孖台灣男友行街，其後佢喺IG大方認愛，同時多謝大家祝福。

嚟到第六場表演嘉賓鄧麗欣，Stephy同Sammi合唱完《親密關係》後，Sammi笑指Stephy新封號：「你依家叫『蜜桃臀』喎，咁勁嘅，係咪執過嚟？（我要學你嘛！）我邊有？我巨臂、我大隻之嘛！（我練錯咗地方）。」Sammi鼓勵Stephy講：「聽講妳復出唱歌，大家畀多啲掌聲！」Stephy獨唱《不要離我太遠》。完騷後，Sammi走出紅館與歌迷打招呼，仲為歌迷簽名留念，場面熱鬧。
佘詩曼亦有睇Sammi演唱會。鄭秀文紅館演唱會嚟到第五、六場，繼續有唔少圈中人捧場，包括何嘉莉及陳嘉寶等。