佘詩曼呢日以《新聞女王》嘅Man姐造型現身小學,咪以為佢係為《新聞女王2》進行拍攝,查實佢係為《星光熠熠耀保良》拍攝片段,了解慈善組織推動嘅正向教育計劃。自從Man姐呢個角色成為阿佘最新代表後,每逢有拍攝工作,客戶都要求阿佘用呢個造型出現。
佘詩曼呢日為《星光熠熠耀保良》拍攝片段。
阿佘睇落完全係乖學生,原來曾經考慮考中史嗰陣出貓,不過都係因為細膽而作罷。但佢亦寄語各位唔好臨急抱佛腳讀書,一定要攤開慢慢讀先會溫入腦。
阿佘自認非惡契媽,反而錫到小朋友燶。
暑假嚟喇!阿佘有好好把握時間約吓契仔、契女見面,佢自認非惡契媽,反而錫到小朋友燶,甚至畀「違禁品」契仔、契女食,令佢哋不知幾開心。