連詩雅曬靚靚孕照誤出糗 大頭蝦寫錯字變陀哪吒

連詩雅（Shiga）一眨眼已經進入懷孕後期，準備迎接BB出世。雖然Shiga孕期進入36周，但喺佢近日分享嘅一輯孕婦寫真可見身材未有走樣，依然手腳纖幼，繼續索爆！

連詩雅曬出索爆孕照。

之但係Shiga喺撰寫配文時就擺咗大烏龍，意外將「36 weeks」寫成「Officially 36 months」，由36星期變36個月，令網民都忍唔住笑言：「Shiga係咪陀哪吒？」、「做媽媽真辛苦，陀足三年。」又有人回顧Shiga曾經將「Rest in Peace」寫錯做「Rest in Piece」，勸佢唔好再寫英文。
 連詩雅誤將 weeks 寫成 months。
但其實呢篇Po文發出後幾分鐘，大頭蝦嘅Shiga已經急急更正錯誤字眼，變返：「Officially 36 weeks❤️」，相信寫成months都只係呢位準媽媽太過開心同心急想同大家分享靚相，所以先會鬧出呢個小小笑話。

不過好快就改返喇～