婁峻碩漏口風冬天迎娶未婚妻 未隨隊友來港否認五堅情解散

婁峻碩 呢日一由大馬返抵台灣，就為一個品牌擔任一日店長，吸引大批Fans一早到場，而去年已經求婚成功嘅佢，唔止幫現場Model整理秀髮，仲分享平時為未婚妻 焦凡凡 相處嘅小甜蜜增添感情方式，真係聽到都甜甩牙呀。

求婚成功到而家都未有聽聞喜事嘅日期，呢日經過傳媒朋友嘅追問，就終於問得到個大概。漏口風冬天就會成婚嘅佢，仲話事後會向大家公告，似乎想保持低調呀。日前佢未有隨 五堅情 一齊來港演出，搞到即時解散消息滿天飛，呢日佢就一頭霧水咁話完全冇咁嘅事，大家可以放心喇。