陳松伶因心理病毅然放棄香港工作 體形關係曾被邀飾演富婆包小鮮肉

53歲陳松伶（松松）曾喺鏡頭前凸出三層「腩肉」，被指心廣體胖，松松近排已努力減肥，成個人瘦咗幾個碼，佢日前接受電台錄音訪問，見大騷瘦身成果兼露靚靚美腿。松松喺節目中與主持譚玉瑛大談當年，二人喺1990年拍兒童節目《閃電傳真機》環節《Auntie烏卒卒》而成為老友，眨吓眼已相識34年，譚玉瑛指雖然二人唔係成日見，但彼此姊妹情深。

陳松伶日前接受電台錄音訪問，見大騷瘦身成果兼露靚靚美腿。
松松透露當年拍「烏卒卒」嗰陣讀初中：「拍《天涯歌女》時我讀緊中四，同鄭伊健拍《笑看風雲》我20歲，讀緊大學，當年我係一個好古縮嘅年輕人，就連蕭笙叔（資深電視監製）都叫我笑多啲，我唔笑個樣好嚴肅。」

松松曾喺鏡頭前凸出三層「腩肉」，被指心廣體胖，松松近排已努力減肥。
松松與老公張鐸喺2011年結婚，並「嫁雞隨雞」移居北京，佢坦言放棄香港所有工作係因當時有心理病，喺香港覺得有壓力先決定離開，「嗰時係有啲情況，其實人生總會有高高低低，我喺嗰度搵番自己，有好多朋友支持我，老公亦畀我好多空間」。

松松同老公張鐸喺埋一齊17年，但係松松講起老公即一臉甜絲絲。
松松同老公張鐸喺埋一齊17年，但係松松講起老公即一臉甜絲絲，二人因拍劇認識，「初相識時因張鐸成熟穩重，以為對方年齡大過自己，卻原來年輕自己9年，因此令松松有所顧慮」，當時松松一度想打退堂鼓，「佢真係好成熟，又好識照顧人，佢話『你唔試過點知啫』」。

松松稱如今演戲只能做姐姐同媽咪角色，自爆曾有人邀請佢飾演竇驍媽咪。
松松同張鐸拍拖3年便結婚，透露老公曾承諾給予安全感：「佢認定40歲之前，呢個女人一定要嫁畀佢，佢覺得要畀我安全感，係一個承擔，然後建立一個家庭。」不過二人始終有文化差異，嘈交期間曾鬧出笑話，「有時會聽唔明佢講咩，佢都聽唔明我講咩，我好嬲時鬧佢死八公，佢聽唔明只係笑笑口」。

松松與譚玉瑛喺1990年拍兒童節目《閃電傳真機》環節《Auntie烏卒卒》而成為老友。
松松稱如今演戲只能做姐姐同媽咪角色，自爆曾有人邀請佢飾演竇驍媽咪，「唔係我唔得，係人哋接受唔到，演姐弟就差唔多；因為體形關係，有套劇我飾演富婆，包小鮮肉，好開心可以做到現實中做唔到嘅事都幾享受，畀自己突破同挑戰」。