演協關注學童心理健康School Tour第二站 古天樂一解女校男廁迷思

為關注學童心理健康，香港演藝人協會會長古天樂發起School Tour行動，繼早前第一站到訪古仔母校之後，喺10月2號古仔率領余安安、張繼聰、周家怡、岑珈其、游學修、J.Arie到訪九龍塘一所女校，仲搵嚟周國賢、吳林峰、林千渟同李玗蓁擔任表演嘉賓。古仔向在座同學呼籲：「知道讀書有一定壓力，不過最重要都係嗰三樣嘢，第一讀書唔係求分數，第二千祈唔好比較，第三唔好轉牛角尖，遇到問題要同人分享。」

香港演藝人協會會長古天樂發起School Tour行動，繼早前第一站到訪古仔母校之後，喺10月2號到訪九龍塘一所女校。
古仔又提到藉住今次到女校舉行活動：「好想藉此見識女校係咩情況，嚟之前我諗究竟呢度有冇男廁？有男教師，係有男廁。」古天樂又踢爆岑珈其同游學修對於到訪女校感怕醜，引起全場學生大笑。雖然被爆怕醜，但係佢哋兩個主持嘅「口試王」環節就最搞笑。

古仔藉住今次到女校舉行活動，諗究竟呢度有冇男廁？有男教師，係有男廁。
今次議題係「單性別學校是否比男女校更好」，佢哋仲落場同老師以及同學們辯論，期間張繼聰笑指對議題感質疑：「雖然我讀男女校，但我覺得自己似讀女校，因為我從來冇望過男仔，我同我老婆都係喺中學認識，如果我哋讀單性別學校，我啲仔女冇機會出世。」而古仔被問到支持男女校定單性別學校時？佢話：「嗰時放學成日都走去女校𥄫女，女校嗰度有個明星，所以好好奇，自己比較鍾意男女校。」

古天樂又踢爆岑珈其同游學修對於到訪女校感怕醜。
重返母校嘅林千渟，亦向一眾師妹分享減壓心得，佢話「都有3、4年冇返過嚟母校，今次返嚟勾起好多回憶；其實每個人對處理壓力都不同，最重要係嘗試踏出第一步，做乜都可以，以前我鍾意喺廁所沖涼時唱歌，亦會搵身邊信任朋友去傾。」至於周家怡同周國賢合唱歌曲《模稜兩可》，首次唱現場嘅家怡自認緊張，身旁周國賢笑言受周家怡嘅緊張所感染，所以出台前，食咗香蕉紓壓。

古仔被問到支持男女校定單性別學校？

周家怡同周國賢合唱歌曲《模稜兩可》，首次唱現場嘅家怡自認緊張。