余安安偶遇《家族榮耀》乖女乖新抱 勾起拍劇開心點滴

余安安 之前出演劇集《家族榮耀之繼承者》，佢飾演嘅大媽戴綺婷，雖然身為闊太，但因為嬌生慣養，成日發爛渣，角角大癲大肺又處處攻心計，真係好考演技。

《家族榮耀之繼承者》嘅情仇愛恨引人入勝
安安姐唔單輕鬆駕馭角色，仲同劇組打成一片，拍攝過程相當愉快，而日前安安姐出街食飯，就咁啱撞到《家族榮耀》嘅乖女 陳瀅 同乖新抱 王敏奕 ，仲有安安姐口中唱歌好好聽嘅 糖妹 ，佢哋幾個仲影咗幾張合照，安安即時po上社交平台同大家分享，佢仲話；「即刻回想拍劇時候嘅開心點滴。」

雖然已經拍攝完一段時間，不過安安姐遇到劇中乖女同新抱都一樣非常開心

食飯都會巧遇，難怪安安姐事後即時Share，仲諗返唔少相處片段喇