溫碧霞憑新片榮獲影后 最有意義生日禮物

溫碧霞（Irene）憑電影《謊島美人魚》獲頒「最佳女主角」，日前佢去到澳門出席「亞洲國際青年電影節」，老公何祖光更專程到澳門為愛妻慶祝，能夠獲封影后殊榮，對7月30日生日嘅Irene嚟講，絕對係一份最佳生日禮物。Irene感謝世界各地粉絲多年來嘅愛戴，「每次見到咁多衷心欣賞我嘅粉絲，自己都覺得好感動，證明咁多年嚟嘅努力冇白費，我會繼續努力拍多啲好戲。」

Irene以佢參演嘅《謊島美人魚》獲「亞洲國際青年電影節」最佳女主角

Irene又表示，近年多咗個身分係出品人同監製，工作室會主導團隊去搵一啲較新導演、编劇及新演員，令大家去實現電影夢，而未來亦會開拍唔同片種嘅港產電影，「今年年尾會開拍一部內地古裝電視劇，下年仲有部《墮落花》導演李卓斌執導嘅懸疑片傾緊劇本，我都好耐冇拍呢類電影。」

捧住獎座愛不惜手嘅佢，仲指會繼續拍攝唔同類型港產電影