正身處大馬宣傳《中年好聲音3》嘅 古淖文 ,出發前為一個盛夏音樂會擔任嘉賓,表演場地多個角落都有熱情「古粉」一早到場霸佔有利位置欣賞 ,German演出時又齊心打氣應援。
呢日German分別獻唱英語、國語同廣東話三語歌曲,既有慢歌亦有節奏強勁嘅快歌,又同 車婉婉 合唱《心仍是冷》。大會司儀仲笑指German係為佢下月初於澳門舉行嘅《I'm Home》演唱會作預演。
古淖文日前為一個音樂會擔任表演嘉賓
又同車婉婉合唱
演出完嘅隔日一早,German就同大隊一齊出發,飛往大馬為《中年好聲音3》宣傳。下午喺於吉隆坡同 曾志偉 仲有其他評判同成員等現身於Sunway Velocity Mall舉行嘅新馬賽區記者會。
演出後隔日German已經同大隊飛到大馬宣傳《中聲3》
今次唔止有香港古粉緊跟直飛大馬,亦有馬來西亞唔同城市嘅Fans,齊集吉隆坡現場支持偶像。未能到場嘅世界各地古粉,仲喺主辦單位批准下透過網上直播分享現場精彩表演。馬來西亞古粉仲對演唱會加場門票非常著緊,希望飛往澳門欣賞German演出。
German同吉吉仲有沈宗賢一同宣傳