中年好聲音3丨決戰新馬賽區9.1登場 曾路得加國返港任嘉賓評審

《中年好聲音3》新馬賽區20位入場選手，率先爭取12個晉級席位，而節目《中年好聲音3決戰新馬》亦將會喺9月1號晚登場，首輪賽事就搵嚟加拿大返港嘅星級歌唱老師曾路得擔任嘉賓評審，佢仲係落機後第一時間入電視城準備，佢話自己評分準備係睇吓參賽選手有冇潛質，喺首歌入面聽唔聽到感情想表達啲乜，佢又畀貼士大家話揀歌最重要係啱Key，知道自己邊方面叻同唔叻。
曾路得由加拿大返港擔任嘉賓評審。賈思樂亦嚟到觀眾席觀賽。
首集十位登場選手，當中不乏駐唱歌手，但正如參賽選手蔡靜婷話始終係比賽，幾有經驗都會緊張，因為唱嘅過程唔可以出錯。
王鄭俊仁劉傳民
嚟自新加坡嘅選手，58歲嘅莫健發就表現得輕鬆自如，連喺觀眾席嘅賈思樂都大讚佢水準高。至於選手王鄭俊仁能夠喺出名畀分手緊嘅伍仲衡手中得到畀分，佢都話喜出望外。而嚟自大馬嘅選手劉傳民就係Beyond嘅忠粉，初次來港嘅佢仲專登去黃家駒墓前拜祭偶像，祈求家駒保佑佢喺賽事中越行越遠。
李玉欽 同 蔡靜婷 。莫健發