胡鴻鈞(Hubert )、羅啟豪(Ramon)及譚輝智(FC)日前接受自媒體頻道直播訪問,與「天星娛樂」總裁陳太陳淑芬,一齊宣傳即將喺下周六(27號)喺澳門舉行演唱會,三位歌手感到非常高興,而且表演嘉賓星光熠熠。胡鴻鈞、羅啟豪及譚輝智日前接受自媒體頻道直播訪問。
演唱會名單包括胡楓、陳豪、馬國明、譚俊彥、陳展鵬、胡定欣、林夏薇、李思捷、阮兆祥、JW 王灝兒、周吉佩、支嚳儀、顏米羔、姚焯菲、鍾柔美、詹天文、洗靖峰及黃奕斌,大家都係唱得及玩得之人,必定帶畀觀眾一個愉快及難忘嘅晚上。陳太稱讚佢哋係實力唱將,同時引嚟網民起哄,紛紛留言要求佢哋Encore。
Hubert 、啟豪同輝智被問有多喜愛「哥哥」張國榮,Hubert話以往參加比賽時曾唱過《追》;啟豪就非常喜愛「哥哥」嘅歌,特別翻唱《為你鍾情》放喺自己YouTube頻道上,作為對「哥哥」嘅一份致敬;輝智則喜歡「哥哥」慢歌《春夏秋冬》,佢哋今次喺舞台上亦會同一眾《好聲音》歌手翻唱多首「哥哥」經典名作,跟觀眾一齊懷念「哥哥」。輝智頭號粉絲拉姑狄波拉相信當晚亦有機會現身捧場。
佢哋三人喺直播嗰陣同網民玩遊戲,清唱哥哥名曲,陳太稱讚佢哋係實力唱將,同時引嚟網民起哄,紛紛留言要求佢哋Encore,Hubert笑指大家只要27號晚親臨演唱會現場,就可以欣賞佢哋一眾歌手及藝人嘅精彩演出。下周六(27號)喺澳門舉行演唱會,演唱會名單星光熠熠。