好快就會喺成長地澳門開騷嘅 古淖文 呢日同大班Fans齊齊現身宣傳活動,仲即場宣佈將會加場,而一眾《中聲2》戰友 王玥 甘永傑 劉威煌 同 譚輝智 等都有現身支持,FC仲同German合唱加跳舞呀。
澳門場都未開,不過香港Fans就已經敲鑼打鼓要求加香港站,而German就話想集中做好家鄉演出先,仲話一有機會一定會喺香港開唱呀。
呢日一班老友捧場,輝智唔止爆German演出時可能會有驚喜送俾大家,仲即場狂摸佢一身肌肉,而German亦話自己已經狂操體力,既為演出亦為可以著更多靚衫咁話,至於會唔會騷肌,佢就大賣關子冇正面回應喎。一班中二生亦已經約好,到時會跨海現場支持,輝智到時更會係嘉賓之一呀。
登入後即可查看我的收藏
登入後即可查看瀏覽記錄