楊潮凱宣布老婆陀男B 笑指愛女心急見細佬

楊潮凱2月時宣布老婆江玉儀懷第二胎，今日（11號）佢喺社交平台貼出老婆大住肚、同佢與囡囡嘅合照，同時公佈老婆陀住嘅係B仔呀！
楊潮凱宣布老婆陀B仔。
潮凱喺帖文中表示：「終於可以同大家講喇🥰🎉我家將會迎接一位新成員，而這位成員係Baby……Boy👶🏻Ⓜ️。我哋而家湊夠個「好」字喇！Yeah!🥰多謝大家的祝福，好期待見到細佬仔呀😘」佢話即將榮升家姐嘅CatharineBB，每日都喺度計緊仲有幾耐先可以正式見到細佬仔，潮凱亦希望兩姐弟將來可以相親相愛。
潮凱話囡囡好期待見到細佬仔。潮凱話終於湊齊個「好」字呀！