賴慰玲貼大肚相宣布陀第二胎 即將再為人母：相隔6年呢條曲線好奇妙

賴慰玲喺2017年跟舞台劇演員梁子峰結婚，同年12月誕下兒子Marat（也也），相隔6年，今日賴慰玲貼出大肚相公佈喜訊，原來佢陀第二胎更指「baby 2 is coming」！
今日賴慰玲貼出大肚相公佈喜訊，原來佢陀第二胎更指「baby 2 is coming」！

賴慰玲手腳依然纖瘦，不過明顯就肚凸凸，賴慰玲笑言相隔6年再擁有呢條曲線仍然有一種好奇妙嘅感覺，佢更指感覺到胎動，依然係令佢最有幸福感，而阿仔知道自己就嚟做哥哥，成日都摸住媽媽賴慰玲個肚話好鍾意BB。

阿仔知道自己就嚟做哥哥，成日都摸住媽媽賴慰玲個肚話好鍾意BB。（資料圖片）

賴慰玲未有今胎係陀B仔定B女，但係再為人母嘅賴慰玲就覺得男女都咁鍾意，而佢啲朋友估B男定B女亦估得好開心。
再為人母嘅賴慰玲就覺得無論係Ｂ男定Ｂ女都咁鍾意。