刑偵12丨張振朗與林保怡對戲感夢幻 陳法蓉讚Bowie演技有爆發力

新劇《刑偵12》佛山劇情終於煞科，總監製鍾澍佳率領一眾演員開香檳慶祝，劇集獲神級演員林保怡回巢演出，跟Bowie有好多對手戲嘅張振朗同傅嘉莉都話獲益良多，振朗話喺劇中不時同Bowie講案情，過程覺得好似發夢咁，因為以往睇慣Bowie喺《壹號皇庭》、《妙手仁心》演出，到自己親歷其境就好夢幻，Kelly就話Bowie嘅演技好帶動到大家。
新劇《刑偵12》佛山劇情煞科。陳法蓉、林保怡、張振朗、傅嘉莉。
身旁嘅Bowie笑言兩人仲未講真話，因為自己不時叫佢哋唔好記對白，而振朗亦覺得呢種方法令演出時更自然。Bowie自言成套劇都唔覺得辛苦同埋有挑戰。
刑偵07.jpg
陳法蓉覺得Bowie係藝術型嘅演員，好多時喺現場好似唔知自己對白講乜嘢，但真正拍攝時又好有自己爆發力。另外，Bowie好鍾意喺群組中分享對演技睇法，Bowie解釋係叫大家睇多啲戲去鑽研演技。
眾演員開香檳慶祝新劇殺青。