刑偵12丨林保怡與鍾澍佳合作愉快 明言期待未來再有合作

林保怡主演嘅新劇《刑偵12》終於煞科，喺劇組拍攝最後一日，雖然Bowie雖然同張振朗着住長褸喺烈日下開工，但面對熱情嘅街坊途人，佢都依然非常親民跟大家合照。

林保怡主演嘅新劇《刑偵12》終於煞科。林保怡同張振朗與途人合照。

9月4號係Bowie正日生日，劇組特別為佢慶生，Bowie自言生日願望係《刑偵12》大收，佢仲話可能舊年生日願望係想收到好劇本，今年就遇到《刑偵12》嘅劇本，經過幾個月嘅拍攝，佢對成個製作團隊同拍檔都非常滿意。總監製鍾澍佳就笑言唔想做一個失約嘅人，所以要做到佢一早答應咗Bowie會準備一份好劇本嘅事。

兩人大熱天着住長袖衫拍戲，相當辛苦。

Bowie仲大讚鍾澍佳係一位好靠譜嘅監製，未來合作係一片光明，仲話等緊對方再畀啲好劇本佢出演，佳導就話一定會再合作，但首要係準備好嘅劇本。佳導仲話每日收工都會相約Bowie同張振朗等演員食飯，振朗話食飯嘅時間可以放鬆吓，同時佳導又會畀啲初剪片段佢哋睇同研究，令佢哋喺拍攝時可以有更好準備。

張振朗

同劇有份演出嘅丘梓謙，就襯今次機會，不時喺現場向Bowie偷師，佢仲話有時對白有所改動時，Bowie會親自手寫劇本，然後再背熟，係令佢好值得學習嘅態度。

丘梓謙