陳楨怡拍《巨塔之后》布拉格取景圓夢坐馬車 宣萱帶隊嘆美食參觀教堂

TVB重頭劇《巨塔之后》早前出發布拉格取景，噚日啱啱煞科，演員之一陳楨怡 （Celina）分享當地所見所聞。Celina今次係第一次去布拉格拍外景，所以成個心情都好興奮，對上一次去歐洲已經係5年前讀書嗰陣，所以自己對呢個Trip期待咗幾個月。

TVB重頭劇《巨塔之后》早前出發布拉格取景。
Celina坐咗18個鐘頭機去布拉格，日日要開工，不過喺放工就抽啲時間去行特色嘅地方，食到好地道嘅豬手，份量好多好大 ，性價比好高，跟住佢就坐咗馬車啦！Celina一路都好想坐馬車，今次坐咗20分鐘圍住布拉格廣場轉咗個圈。 

Celina今次係第一次去布拉格拍外景，所以成個心情都好興奮。Celina一路都好想坐馬車，今次坐咗20分鐘圍住布拉格廣場轉咗個圈。
成個劇組嘅氛圍好好，每一晚大家收咗工都會聚埋一齊食布拉格菜，仲同咗宣萱姐姐去行當地特色教堂，又去咗有好多網民話係全球最靚嘅品牌咖啡店。Celina指成個劇組都叫宣萱做姐姐，因為宣萱真係好似大姐姐照顧佢哋所有人。 

每一晚大家收咗工都會聚埋一齊食布拉格菜。Celina亦好開心有機會品嚐地道菜式。Celina指成個劇組都叫宣萱做姐姐，因為宣萱真係好似大姐姐照顧佢哋所有人。
完晒成個內地、香港同布拉格Trip，大家對住三個幾月，所以Celina都好唔捨得大家 ，彼此好似一個family咁相處得好開心，Celina都好多謝佳導鍾澍佳畀呢個機會，同認識咁多位前輩，Celina亦好感謝大家照顧及教咗好多嘢，今次呢個拍攝真係收穫咗好多。
Celina好多謝佳導鍾澍佳畀呢個機會，令佢有機會認識咁多位前輩。