法證先鋒VI結局丨黃宗澤成功尋回新婚老婆 王敏奕笑指未試過不斷被人追問下落

TVB劇集《法證先鋒VI倖存者的救贖》大結局，聚焦講「星柏」黃宗澤搵失蹤咗嘅「寶英」王敏奕，吳業坤飾演張大煒因愛成恨，得知王敏奕與黃宗澤決定結婚，決定禁錮王敏奕，王敏奕失蹤一年後，黃宗澤成功尋回新婚老婆王敏奕，一齊幸福生活，失蹤案塵埃落定，黃宗澤收拾心情後放一年無薪假。

《法證先鋒VI》大結局聚焦講「星柏」黃宗澤搵失蹤咗嘅「寶英」王敏奕
最後一幕見黃宗澤與王敏奕幸福觀星，不過有啲網民認為之前交代另一男主角袁偉豪存在「幸福幻覺」，幻想自己同傅嘉莉母子開心飯聚，令觀眾懷疑今輯最後一幕，係咪暗指黃宗澤係陷入咗喪妻後嘅妄想異世界，之但係大部分網民覺得寶英冇事就好！

吳業坤飾演張大煒因愛成恨，得知王敏奕與黃宗澤決定結婚，決定禁錮王敏奕
王敏奕凌晨有貼出《法證先鋒VI》之前喺日本取景嘅開工相，並交代搵番寶英似乎唔係星柏嘅「妄想異世界」，王敏奕寫道：「有個永不放棄你的人是世上其中一樣最幸福的事，多謝 Bosco 呢個結局你值得擁有，辛苦晒，多謝整個拍攝團隊嘅照顧，凍到呢…」

王敏奕凌晨有貼出《法證先鋒VI》之前喺日本取景嘅開工相，並交代搵番寶英似乎唔係星柏嘅「妄想異世界」
王敏奕感謝監製鍾澍佳、導演黃國輝為霍寶英設計婚後大冒險，以及余星柏尋找愛妻大行動，真係未試過有一個角色係不斷被人追問下落，王敏奕笑指見大家追得緊張，佢承認係有滿足感，就係想大家緊張吓嘛！

王敏奕感謝監製鍾澍佳、導演黃國輝為霍寶英設計婚後大冒險，以及余星柏尋找愛妻大行動

王敏奕笑指未試過有一個角色係不斷被人追問下落