馮允謙為廣東情歌重填英文詞 爆與女友吵架習慣讓步

啱啱宣布10月會再喺紅館開演唱會嘅 馮允謙 ，早前推出情歌《在愛面前投降》，大受樂迷歡迎，之後Jay更為呢首歌填上英文詞，呢日佢為英文版歌曲《Surrender to love》拍攝cover，講起呢首歌嘅Message，Jay就話真係好啱男女朋友一齊聽呀，因為佢覺得一段關係、每一段感情，真係好需要互相遷就，尤其係嗌交時，唔好為咗爭贏，而係需要溝通。

Jay同女友拍拖超過十年，更已經向女友求婚，兩人相處多年，少不免都會有爭吵，但Jay就話自己通常讓步，不過Jay就話自己呢個習慣都唔係咁好，搞到女友會覺得係理所當然。