谷愛凌忙住備戰冬奧 白敬亭透露月底再拍新劇

巴黎奧運會將會喺7月尾開幕，早前去咗法國擔任火炬手嘅「滑雪女神」谷愛凌，呢日就現身北京出席一個時尚活動，雖然要備戰2026年冬奧，但佢好快又會出發去巴黎參加奧運會嘅活動，谷愛凌仲透露自己出席完活動後，就會即刻飛到奧地利訓練，訓練完就會去巴黎出席奧運，而完咗奧運後就即刻再去新西蘭再訓練。

同場仲有內地小生白敬亭，同埋音樂製作人高曉松等。白敬亭剛剛先拍完改編自內地人氣小說嘅愛情劇集，但佢只可以短暫休息下，因為月底又要投入另一個劇組進行新嘅拍攝。至於舊年先活躍返喺社交平台嘅高曉松，就透露自己呢幾年創作嘅音樂，將會陸續喺下月開始發布。