奧運智．識．玩｜元祖奧運六星黎諾懿落場 不敵陳年東九龍跳繩冠軍吉吉

《奧運智．識．玩》呢集有元祖級奧運六星成員 黎諾懿 同 戴祖儀 一齊擔任嘉賓，不過諾懿聽到呢個稱號就似乎有多少尷尬，仲加埋Joey落井下石話自己當時太細個，真係非常搞笑。呢集仲有 周吉佩 顏米羔 冼政峰 同 黃奕斌 一齊挑戰足球腳法。

吉吉仲同米羔合作非常有默契，吉吉更自爆當年仲係橫掃東九龍嘅小學跳繩冠軍，仲話如果奧運有相關項目自己實會有好成績喎。至於Archie近日推出新歌，錄足幾次唔同風格，先有最終成品出現咋。