賈思樂入行50周年兼70歲生日毛舜筠薛家燕逾50位好友上台賀壽送祝福

賈思樂入行50周年兼慶祝70歲生日，呢晚喺文化中心舉行慈善演唱會，賈思樂喺圈中人緣超好，獲大批好友到場支持，包括林子祥（阿Lam）、盧海鵬、廖安麗、鄧英敏、韓馬利、杜燕歌、毛舜筠、薛家燕、陳曼娜及余慕蓮等撐場，而一班好耐冇喺幕前出現嘅好友就拍片支持。

黃子雄、韋綺姍同賈思樂合唱。

賈思樂入行50周年兼慶祝70歲生日，眾好友上台為佢慶祝。

眾好友為賈思樂慶生。
染咗金髮嘅賈思樂閃爆登場，唔似年屆70歲，阿Lam打頭陣與賈思樂jam歌，跟住有好友韋綺姍、黃子雄、顏米羔、露雲娜等上台擔任嘉賓；賈思樂笑指安排阿Lam第一個唱歌，係因為阿Lam一向好早瞓。
蝦仔爹哋盧海鵬。賈思樂嘅姐姐（灰衫）都有特意飛返嚟同賈思樂慶祝。
50位好友亦有上台為佢賀壽送祝福，賈思樂家姐都特意飛返嚟，現場好墟冚又感動，眾人大合唱生日歌，賈思樂見到咁多好朋友，覺得好難得好開心，賈思樂話永遠記住呢個演唱會，留喺佢嘅心中！