鄭秀文休整一晚再開唱 與小齊隔空合唱夥Jace狂跳《煞科》

鄭秀文 經過一晚休息後，星期二繼續佢第4場演唱會，呢晚 任賢齊 蔡卓妍 譚嘉儀 等現場欣賞，其中小齊仲即場被Sammi邀請於觀眾席同佢隔空對唱經典電影《夏日的麼麼茶》主題曲《浪花一朵朵》，去年榮封影后嘅Sammi，仲搞笑叫小齊演戲方面要繼續努力喎。

而呢晚Sammi繼續邀請新一代歌手同自己合唱， 陳凱詠 就係呢晚嘉賓喇，兩人勁歌共舞《煞科》，原定為Sammi煲湯嘅Jace，仲話因為擔心自己嘅廚藝會令仲有好幾場演出進行嘅Sammi帶來危機，所以只係得張湯券，等佢得閒可以隨時搵自己兌換呀。