王心凌甜蜜女王造型曝光 服飾太重導致雙腳抽筋

 「甜心教主」王心凌將於下月將於台北小巨蛋舉行世界巡迴演唱會，而全新廣告喺今日（4號）率先播放，當中5秒鐘嘅「甜蜜女王」造型曝光。有別於一般演唱會嘅做法，呢條片將會喺觀眾進場時播放，劇情以電影手法講述一段故事，帶領大家進入王心凌嘅甜蜜世界。
王心凌下月將於台北小巨蛋舉行世界巡迴演唱會。
成個故事構思，其實係王心凌喺兩個月前，已經不斷跟陳奕仁導演，以及幕後團隊開會，先打造出呢個專屬於王心凌嘅甜蜜工廠世界，王心凌更以「甜蜜女王」氣勢現身，為一對意外闖進這個魔法世界的可愛小孩們，親自解說關於「甜蜜的秘密」，王心凌更提醒粉絲：「演唱會當天最好提早入場啊！這段影片只有在演唱會現場才能看到。」

王心凌早前為演唱會拍攝宣傳片。
而拍攝當天，王心凌換咗兩套服飾，更幾乎全程撐著重達15公斤上半身硬如盔甲嘅巨大禮服，頂著由新銳設計師為佢打造嘅奇幻造型頭飾。從中午拍到隔日早上七點先收工，王心凌指因為禮服太重，回到家一放鬆就雙腳抽筋。

演唱會其中一個造型。