新加坡雙胞胎姐妹組合By2,由家姐Miki同妹妹Yumi組成,比起佢哋演藝事業,大家對佢哋不斷進化嘅外表,同埋八卦緋聞似乎更有興趣。近期佢哋喺內地多個城市舉行演唱會,不過門票銷售情形唔多理想,有網民將27號濟南場嘅賣飛情況cap圖,見到488蚊人仔嘅飛只賣出33張。By2門票銷售情形唔多理想,有網民將27號濟南場嘅賣飛情況cap圖,見到488蚊人仔嘅飛只賣出33張。
By2近年主力喺內地發展,原訂27號濟南場要順道慶祝佢哋出道16周年,不過距離演唱會只剩唔夠10日,仲有大量門票乏人問津,有忠實歌迷擔心濟南場會因此取消,早前天津場就疑似因為門票銷售不佳而取消,不過兩姐妹卻胸有成竹,仲出post問大家濟南有咩好食好玩!距離演唱會只剩唔夠10日,仲有大量門票乏人問津,有忠實歌迷擔心濟南場會因此取消。
查實By2出道以來演藝成績平平,但黑歷史就多不勝數,兩姐妹不斷進化嘅外表,同初出道嘅甜美清純樣判若兩人。而緋聞方面更加多姿多彩,尤其妹妹Yumi同賭王四房公子何猷君曾拍拖兩年,當年二人愛得高調,Yumi被指有機會嫁入豪門,分手後猷君曾暗示Yumi愛佔便宜,而Yumi亦不甘示弱話自己遇到爛桃花。By2負面新聞多籮籮,絕對精彩過事業發展數十倍。
除此之外,Yumi曾同蕭亞軒舊愛、新加坡富二代Elroy拍拖,更捲入王力宏出軌事件,被指係王力宏「小三」,負面新聞多籮籮,絕對精彩過事業發展數十倍。