由孫儷、蔡少芬等主演嘅內地宮鬥劇《甄嬛傳》開播14年,但熱度依然有增無減,甚至有台灣電視台每逢過年都會喺影音平台舉辦 「24小時馬拉松式」不間斷循環『朝聖模式』播放該劇。
陳思斯、斕曦、藍盈瑩、蔡少芬、萬美汐、張雅萌、陶昕然俏皮演繹滿族大婚。
而曾參演《甄嬛傳》嘅六位演員蔡少芬、陶昕然、斓曦、張曉龍、藍盈瑩、陳思斯,近日就聯同德雲社相聲演員楊九郎,組成『煥新團』,參與一個真人騷拍攝,一班『皇親國戚』從《甄嬛傳》拍攝地北京大觀園出發,帶領觀眾深度探訪,體驗各地民俗文化!
〈甄嬛傳〉原班人馬今次喺〈煥新環遊傳〉再聚首。
佢哋第一站就去到同《甄嬛傳》息息相關嘅滿族文化發源地:遼寧撫順。為咗令觀衆更了解同熟悉呢個神秘民族,「煥新團」不只喺喺極具特色嘅市集中,學習滿族語言文字以及品嚐滿族傳統美食,擔任首集嘉賓嘅張曉龍更負起「科普大師」一職,向其他煥新團成員們分享少數民族服飾同漢族服飾嘅不同之處。
飾演『浣碧』的藍盈瑩對於大家可以再聚首感到非常感動。
各位妃嬪喺劇中鬥生鬥死,但劇外感情和諧,相隔十四年再齊人重聚,勾起各位喺當年拍攝嘅種種回憶。飾演「浣碧」嘅藍盈瑩感性分享:「時間把大家共同的回憶釀成了一罈美酒,讓彼此的感情發酵,變得越來越濃厚。這一次再相遇,彷彿是大家都在共飲這罈美酒,令人動容。」
蔡少芬〈煥新環遊傳〉攜 『皇親國戚』一起去旅行。
最令各位驚喜嘅,莫過於係其他劇中現身節目,飾演『蘇公公』嘅李天柱再現昔日裝扮;飾演「剪秋」嘅楊凱淳重現為「皇后」蔡少芬磨墨嘅名場面;「流朱」戰菁壹同「浣碧」藍盈瑩上演「超越時空的重聚」;而斕曦同張曉龍更扮演新娘、新郎,爲觀衆解鎖極具特色嘅滿族婚禮。
呢一幕幕就好似帶觀眾見證唔洗再勾心鬥角嘅平行時空,14年後見證深宮各人得到平靜簡單嘅幸福。
蔡少芬飾演皇后,以崩潰哭喊「臣妾做不到啊」成為粉絲心目中的經典場面。
喺後續節目中,煥新團亦會繼續帶大家去到浙江景寧、雲南芒市、騰沖、保山、寧夏銀川、中衛以及內蒙古阿拉善等少數民族地區,探索更多美麗地方,體驗多元文化的獨特魅力。