香港奇案再掀熱話！ 翁靜晶重提劉師傅「傾劇本」被偷橋拒與電影人接洽

翁靜晶呢日現身書展為新書系列開講座，雖然新書未趕得切喺書展期間推出，但係佢準備咗書迷好關心嘅奇案作為講庭內容，更獲老公何猷彪到場支持。

翁靜晶呢日現身書展為新書系列開講座。

1974年轟動全港「跑馬地紙盒藏屍案」近日再度掀起熱話，翁靜晶呢日亦有講吓呢個案件，而翁靜晶開設咗網上頻道後，不少收到網民諮詢法律意見，譬如新雪櫃壞咗要去消委會投訴、點樣申請傷殘車位、遺產承辦程序等，翁靜晶指呢啲事係應該搵受薪嘅區議員或立法會議員去解決。

翁靜晶獲老公何猷彪到場支持。

翁靜晶透露有不少想拍奇案嘅電影人接洽問意見，但係佢怕被偷橋，翁靜晶記得以前成日有人搵劉師傅傾劇本，劉師傅千辛苦萬寫完劇本出嚟，電影公司就話唔啱用，過咗幾個月就見到劇本「改頭換面」畀第二個人拍咗，翁靜晶認為知識產權喺編劇界係好慘，好多人被偷橋，翁靜晶坦言自己咁多橋當然係留返自己用。
1974年轟動全港「跑馬地紙盒藏屍案」近日再度掀起熱話，翁靜晶呢日亦有講吓呢個案件。