香港探秘地圖丨黎耀祥宴請劇組食煞科飯 龔嘉欣派月餅被笑派「喜餅」即臉紅

TVB新劇《香港探秘地圖》日前圓滿煞科，黎耀祥坦言呢套劇拍攝時相當辛苦，為咗答謝一眾台前幕後嘅付出，佢自掏腰包設宴請劇組食煞科飯，龔嘉欣大爆未聽過煞科飯係不設人數上限，祥哥解釋因知道大家拍得辛苦，加上台前幕後都係相識多年嘅朋友，搵個藉口同大家食飯聚會。

黎耀祥自掏腰包設宴請劇組食煞科飯。
嘉欣亦趁呢個人齊嘅時候，向大家派餅，點知被祥哥笑指派喜餅，搞到嘉欣面都紅晒，嘉欣話自己係派月餅，希望大家同家人歡度佳節。講番今次套劇，祥哥同嘉欣都話佢哋每場外景都拍得好辛苦，因為要四處尋訪探秘地方。

祥哥解釋因知道大家拍得辛苦，加上台前幕後都係相識多年嘅朋友，搵個藉口同大家食飯聚會。
有份參演嘅倪嘉雯同孔德賢，就好開心有機會跟祥哥及嘉欣學嘢，Danny大爆Carmen嘅劇本寫咗好多筆記，字數甚至比劇本仲多，搞到Carmen好尷尬，Carmen解釋首次孭咁重戲份，所以好緊張，事前要做足功課，佢話若果冇咗劇本，佢會覺得手足無措。

有份參演嘅倪嘉雯同孔德賢，就好開心有機會跟祥哥及嘉欣學嘢。