冼靖峰(Archie)同羅毓儀(Yuki)延續劇集《神耆小子》嘅CP,獲邀到黃埔出席一個歌唱挑戰賽小學生組別準決賽,兩人齊齊向現場參賽小學生傳授歌唱技巧以及分享表演經驗要訣,向台下一眾潛力明日之星教路。冼靖峰(Archie)同羅毓儀(Yuki)延續劇集《神耆小子》嘅CP,獲邀到黃埔出席一個歌唱挑戰賽小學生組別準決賽。
Archie同Yuki喺《神耆小子》中飾演情侶令人印象深刻,一班小學生們見到佢哋即報以熱烈歡迎,兩人分別獻唱《想太多》、《無意冒犯》及《日落時》歌曲,為現場參賽者打氣。Archie更向參賽者分享其參加選秀節目《聲夢傳奇》嘅入行經歷,講述自己一步步從素人到歌手嘅歷程,依家仲有個新嘅身份就係男團LOONG 9成員,相信現場比賽嘅各位都有個歌手夢,寄語一直堅持落去,仲大讚一班學生嘅演出好好,為佢哋打氣叫繼續加油,力撐一班小學生追夢「fight for your dream!」兩人齊齊向現場參賽小學生傳授歌唱技巧以及分享表演經驗要訣。
Yuki則表示好少喺咁多人面前唱歌,今次好彩有Archie帶領住,但都仲係有啲緊張,所以好佩服大家年紀輕輕就有勇氣企喺台上面對住咁多人表演,為自己想做嘅嘢去努力爭取,好青春、好熱血。Archie同Yuki喺《神耆小子》中飾演情侶令人印象深刻,一班小學生們見到佢哋即報以熱烈歡迎。