李克勤反串花旦扮虞姬 老婆盧淑儀反應爆笑

李克勤有份參與嘅內地男團競賽真人Show《披荊斬棘的哥哥》賽事正進行得如火如荼。踏入第二輪公演亦展開全新組隊模式，作為哥哥組代表之一嘅克勤有，就揀咗慶怜、符龍飛、高卿塵呢三位實力強勁嘅弟弟加入哥哥陣營，同時個人同秦昊、黑澤良平（Akira）成功組隊為第二輪公演競賽準備。

克勤最近正份與內地綜藝拍攝
 
而克勤喺第二輪公開競賽演曲目就選擇咗《蘭亭序》，並融入京劇元素豐富舞台概念。克勤同Akira挑戰喺舞台上反串飾演旦角「虞姬」。為避免二人嘅「虞姬妝」提前曝光，秦昊就用黑色垃圾袋同雨傘自製超大頭罩，將兩位塊面遮得密不透風，從練習室到廁所一路小心翼翼，秦昊甚至提前探路避免同其他哥哥偶遇，行動鬼祟，十分搞笑。

佢仲挑戰京劇扮相，連太太都被嚇到
 
將《蘭亭序》同京劇融合，係一次經典同創新嘅聯乘。首次挑戰京劇扮相克勤也令人眼前一亮，克勤亦十分滿意自己嘅京劇妝，佢坦言自己從來都唔係一個鍾意照鏡嘅人，覺得只有美男子先會去到邊度都要照鏡，但呢次佢就一直望鏡，仲不停影相：「嘩！今日好靚！我即刻send個message俾我太太，『你睇吓』，我太太第一次見到，然後話：『你搞咩呀？』哈哈。」