周吉佩到大馬宣傳中聲3 獲兩地吉士粉聯手慶祝

《中聲1》冠軍周吉佩日前跟隨大隊飛到馬來西亞吉隆坡，為《中年好聲音3》召募進行宣傳，一直非常支持吉吉嘅吉士粉，仲專登飛到當地會合大馬嘅吉士粉，一齊帶吉吉去品嚐海鮮。吉吉仲同大馬吉士粉約定，到佢開演唱會時，香港嘅吉士粉帶佢哋去香港食海鮮。
周吉佩獲大馬吉S粉歡迎。
吉吉喺宣傳時憶述自己錄《中聲1》第一集時候，心情非常緊張，佢亦分享當時參賽嘅心路歷程。見到大馬吉士粉嘅熱情，佢喺宣傳活動後都再抽時間同吉士粉再聚傾偈，吉吉問佢哋點解會咁支持自己？吉士粉話因為佢眼細，同埋夠膽喺太太反對聲下報名參賽，勇氣可嘉。
大馬吉S粉仲帶吉吉去食海鮮。一眾吉S粉話因為吉吉眼細所以鍾意佢！