StarTalk丨許靖韻推出歷年最暗黑歌曲 與當年低潮期心境神同步

2013年出道嘅Angela許靖韻唔止「小背心」形象深入民心，慘情歌亦佢招牌歌路，最近再度推出新歌《被吃掉的靈魂》，佢更形容係歷年最暗黑嘅一首歌，呢日佢作客《Startalk》接受 許文軒 訪問，分享製作新歌嘅背後故事。
許靖韻 接受 許文軒 《StarTalk》訪問。
《被吃掉的靈魂》和七年前嘅作品《被討厭惡的勇氣》歌名相似，令大家聯想係咪一個延續版本，Angela解釋《被討厭惡的勇氣》係當年填詞人林若寧為咗鼓勵佢走出網上惡評嘅作品，而新歌《被吃掉的靈魂》反而係形容返當年嘅跌入低谷嘅心情。
Angela大爆自己人生最低迷時期。
Angela鮮有大爆自己人生最低迷時期，出完三張專輯後佢感受到事業嘅樽項頸，同時感情狀況相當之差，當年佢日日封閉自己，更試過超級不快失常到落街搵路人傾心事。Angela透露頹廢時期更長達一年多，後來突然諗通，應朋友邀約出去跑步，慢慢走出暗黑心態，之後更積極經營網上頻道「小背心」身份﹐令事業有新轉機。

Angela近年集中發展內地市場，但係佢都好希望可以回港開騷，仲實現初入時做唱跳歌手嘅夢想，盼儘快再出快歌，令開騷時更加有氣氛。