陶大衛興奮失眠赢大獎拎新車 期待與《福祿壽》同學有新節目再聚首

陶大衛早前喺《福祿壽訓練學院終極對決》連奪兩獎，成為一級榮譽生兼贏取新車，呢日佢就到車行領取獎品。大衛就話自己等咗呢日好耐，甚至開心到幾日都瞓唔到，亦冇諗過自己會喺最後24位同學中脫穎而出。而喺大衛眼中，每位同學都係唱跳皆強嘅冠軍。

陶大衛喺《福祿壽訓練學院》奪冠，呢日到車行領取佢嘅新車
 
大衛因節目收穫唔少粉絲同演出機會，佢好感謝TVB提供一個咁好嘅平台畀佢一展身手，感激亦師亦友嘅阮兆祥，佢更感激觀眾們大力支持。至於講到未來，大衛就好期待可以有新節目再同大家聚首，甚至希望有機會登上台慶！

佢仲話希望有機會可以同一班同學再聚拍新節目呀