電影泉攻略丨李麗珍新戲演李靖筠媽咪 獲後輩大讚滿分想上契丨EP119

呢集《電影泉攻略》主持 王鎮泉 好榮幸邀請李麗珍同李靖筠（Gladys）作客《影人Talk》，分享喺新戲《望月》入面飾演兩母女，珍妹講到Gladys因為佢而變得反叛，而Gladys大讚珍妹呢位媽咪係100分，現實生活仲想同對方上契。

王鎮泉邀請到李麗珍同李靖筠作客《影人Talk》。

珍姐曾演出過唔少作品，當中《富貴逼人》系列令人印象深刻，珍妹當時年紀細，導演話點拍就點拍，跟肥姐沈殿霞以及董驃合作，佢話無乜顧慮。拍到第二集時，仲去加拿大取景，珍姐話當時知道出埠拍攝好驚喜。講到戲中飾演來弟一角，佢話同現實生活中有啲似，就好似唔鍾意去拜年。

Gladys話好慚愧以往甚少睇港產片。

睇西片長大嘅Gladys話好慚愧以往甚少睇港產片，甚至入行前都未睇過周星馳嘅作品，直至入行後成日聽到大家講周爺戲中經典對白，佢先追看星爺作品。

李麗珍大談過往拍攝經歷。

泉叔為大家介紹《新片速遞》有集合恐怖、喜劇元素嘅《嘩鬼家族 BEETLEJUICE》，係《嘩鬼家族》延續篇，由鬼才導演添布頓執導，由一場意想唔到嘅家庭悲劇發生後，引發一連串麻煩事。至於本周票房龍虎榜，直至9月4號中午頭三位分別係《異形：羅穆盧斯》、《Look Back驀然回首》、《紮職3》。