巴黎奧運丨黃翠如坐14個鐘機抵埗即開工忙足全日 被方力申偷拍睡相現雙下巴

巴黎奧運將喺7月26號至8月11號於巴黎舉行，開幕禮喺巴黎時間7月26日晚上（香港時間7月27日凌晨）舉行，黃翠如、方力申、體育節目主持莊琬晴及何振然啟程前往巴黎，坐咗14個鐘頭機，眾人一落機即刻兵分兩路開始工作。

黃翠如、方力申、體育節目主持莊琬晴及何振然啟程前往巴黎，坐咗14個鐘頭機，眾人一落機即刻兵分兩路開始工作。

作為奧運主持新丁嘅翠如，今日喺社交平台分享奧運第一回嘅照片，翠如心情帶點緊張，又帶點興奮，其中一條片見翠如鳴謝小方把佢睡夢中嘅雙下巴影得咁「放鬆而放肆」，玩得嘅翠如遇上百厭嘅小方，相信拍攝過程應該有唔少笑料！

翠如鳴謝小方把佢睡夢中嘅雙下巴影得咁「放鬆而放肆」。小方喺巴黎好受香港旅客歡迎，體育節目主持何振然話眼見到埗第1日已有最少十個港人撞到小方邀影合照。

當其他人做到晚上8點幾收工，翠如仲要繼續拍攝一啲奧運資訊嘢，之後翠如啱啱上載工作照，原來佢喺街度拍到夜晚11點都仲未拍完，就知翠如同攝影師為咗拍攝幾咁努力，而貼心嘅翠如亦影咗攝影師拎住超多器材到處奔走嘅畫面並寫道：「在我們這個行業，最需要被尊敬和愛護的攝影師們。」
當其他人做到晚上8點幾收工，翠如仲要繼續拍攝一啲奧運資訊嘢，之後翠如啱啱拍出工作照，原來佢喺街度拍到夜晚11點都仲未拍完。

黃翠如被方力申偷拍巴黎奧運村路邊chill爆瞓覺。