Celine Dion現身法國勁親民 盛傳將為奧運開幕禮獻唱

巴黎奧運將於香港時間27號凌晨舉行，外界盛傳確診僵硬人症嘅Celine Dion，以200萬美金一曲嘅歌酬，擔任開幕獻唱嘉賓，如果傳聞屬實的話，就會係Celine Dion因病暫別歌壇近2年後，首次獻唱。
Celine Dion到羅浮宮參觀。Celine Dion到羅浮宮參觀。
雖然Celine Dion喺23號已抵埗法國，但就未有就演出一事作出回應，反而喺巴黎四周觀光，早前佢仲到羅浮宮參觀，並將成個行程拍低放到社交平台，又喺帖文寫道：「每次我回到巴黎，我都會記得世界上還有這麼多美麗和歡樂值得體驗。 我愛巴黎，很高興能回來！感謝羅浮宮的好朋友！」而每次Celine Dion出入酒店時，都會同在場等候嘅fans打招呼，仲會為大家簽名同合照。25號晚Celine Dion再次外出時，更冒雨將車廂嘅天窗打開，企起身畀在場眾人影相，期間仲接過途人遞送嘅玫瑰花，又與眾人握手，相當親民。
Celine Dion勁親民，每次外出都會同在場等候嘅人簽名合照。呢晚仲冒雨開車嘅天窗，企起身同大家打招呼。呢晚仲冒雨開車嘅天窗，企起身同大家打招呼。唔少人都舉機拍低呢一刻。
另外，早前亦出發到巴黎嘅方力申，就喺出發前拍咗條片紀錄呢次旅行，佢喺片中不斷強調自己冇時間做功課，所以只好喺香港飛法國呢段機程入面，好好溫習下由公司準備嘅「奧運天書」，而當佢哋抵達法國後，就要馬不停蹄即刻開工拍攝，相當敬業呀！
方力申都出發到巴黎。一落機就要即刻開工拍攝喇！