涂家堯丁文俊聯合搞粉絲聚會 羅啟豪撐場慘被爆料為食一面

中一生出名感情好，連唔同人嘅歌迷都會互相支持，呢日丁文俊同涂家堯聯合搞fans meeting，羅啟豪同陳早怡都有以歌迷身份來捧場。原來佢哋呢個project叫Freinds 4 fans，除咗Angus同家堯，仲有魏嘉信同林鉫徫，佢哋會以唔同嘅配對形式搞活動，而今次活動嘅兩位主角Angus同家堯，當然有為大家送上連串好歌。

Angus同Gavin以新形式舉行活動，仲透露會以唔同組合同大家見面

呢日見Angus同家堯狀態精神奕奕，原來佢哋啱啱去完泰國度假，不過因為泰國天氣麻麻，日日落雨，加埋佢哋book錯咗一間冇泳池嘅酒店，所以完全冇機會同陽光玩遊戲。

Ramon呢日就以老友身份現身捧場喇

呢個Friends 4 fans嘅組合，除咗會一齊搞粉絲活動，佢哋嚟緊仲計劃一齊拍片，好快佢哋就會去深圳介紹美食，而啟豪同早怡就會擔任嘉賓一齊北上飲飲食食。家堯就趁機爆料指啟豪好擦得，仲話只要有食物嘅地方佢就會不停食，而且佢仲係餸尾王，專門幫大家消滅食唔晒嘅食物呀。

陳早怡亦係呢日活動嘅Fans之一