陳凱琳任首屆「救助兒童獎」頒獎嘉賓 望以身作則教阿仔做善事

香港救助兒童會適逢成立15週年，宣布設立首屆「救助兒童獎」，上周六喺中環舉行頒獎典禮，星級靚媽陳凱琳現身擔任頒獎嘉賓，以及《年少日記》小演員黃梓樂為活動擔任小主持。
 
陳凱琳現身「救助兒童獎2024」頒獎典禮。

已為三孩之母嘅陳凱琳，一直熱心參與公益活動，佢喺台上先否認再懷孕嘅傳聞，接著就透露呢日係二仔嘅四歲生日，佢希望以身作則，等阿仔大個啲就一齊出嚟做義工，陳凱琳認為呢個社會好多人需要關懷，好多人好熱心，自己都想做個榜樣畀阿仔睇。
 
陳凱琳喺台上表示呢日係二仔嘅四歲生日，佢希望以身作則，等阿仔大個啲就一齊出嚟做義工。（資料圖片）陳凱琳認為呢個社會好多人需要關懷。

童星黃梓樂主演嘅《年少日記》正係借近年學童輕生問題探討來自原生家庭嘅傷痛，黃梓樂受訪時表示同陳凱琳合作過幾次，好開心呢日一齊出席咁有意義嘅活動。正值放暑假嘅梓樂早前參與微電影後，10月又會有一套關於動物嘅電影推出，最近主要拍攝短片及客串劇集。
一眾嘉賓為香港救助兒童會十五週年慶典剪綵。