視帝視后合體獻聲各有風格 馬國明被胡楓催生B場面搞笑

四大視帝陳豪、馬國明、譚俊彥Shaun及視后胡定欣、林夏薇同埋一眾中聲唱將周吉佩、羅啟豪、顏米羔、譚輝智，仲有三小花姚焯菲、鍾柔美、詹天文、胡鴻鈞、JW王灝兒、冼靖峰Archie等喺澳門現身一個向已故張國榮致敬嘅《星星相識齊盡興演唱會》。
陳展鵬同譚俊彥。
胡楓修哥由四大視帝旁住一齊演出，馬明自爆係張國榮國際歌迷會會員，其母親一樣咁迷哥哥，仲改咗叫Monica。之後修哥見就向馬明逼供做咗爸爸未？馬明笑笑口話未呀，場面搞笑。
幾位中聲唱將呢日都有嚟做表演嘉賓。
事後展鵬同Shaun大讚修哥魄力十足又精靈，能夠一齊合唱好開心，展鵬更幻想自己到90歲時會點樣。而定欣同薇薇難得見到四位視帝獻唱都好留意，特別對馬明嘅唱功有啲意見。
胡定欣同林夏薇。
Hubert同陳豪、馬明都合作過拍劇，但講到唱歌佢絕對稱得上前輩級，兩位事前都好緊張，順便請教吓Hubert唱歌心得，點知陳豪就語帶鬼馬叫Hubert講嘢醒目啲，Hubert當然好尊敬好識做啦，仲話相信兩位視帝只要喺台上企定定已經令觀眾好滿足，開埋口唱歌直頭係Bonus啦。

講到搞氣氛中冼靖峰、JW王灝兒、黃奕斌。聲1同中聲2嘅戰友絕對係能手，而輝智鐵粉狄波拉拉姑呢日更專登過大海嚟支持，令輝智好開心，米羔仲話拉姑係輝智永遠榮譽會長。輝智嘅堂細妹參加中聲3海選面試，輝智笑指要堂妹反比貼士佢至真，會盡力分享經驗給對方。稍後中吉吉、米羔、支嚳儀Venus同古淖文會到美加開騷，佢哋好興奮話會將歌聲帶到荷里活。
呢日三小花再次跳唱新歌。
Chantel 、Yumi同Windy三小花再次跳唱新歌《CYA》，舞姿非常合拍。而今次亦係三小花喺Chantel返新西蘭升學前最後一次合體，佢哋互相都好唔捨得，會掛住對方。Windy更指Chantel係個情緒好高漲嘅人，只要有佢存在都會好熱鬧，好唔捨得呢啲歡樂聲。Yumi就爆同Windy平日見面話題一定唔夠三個女仔一齊多，而且呢個組合每每令佢想起《聲夢傳奇》展開嘅時候，非常懷念。