支嚳儀被指向外爆料獲當事人澄清 美加演唱前陪子逐浪曬身材

《中年好聲音》發展到第三季，首集今個星期日就會播出。而第一季嘅參加者完賽後各自都有唔同發展，出歌主持節目登台演出一浪接一浪，之但係人紅是非自然多，好似龍婷上月嘅桃色新聞、仲有 梁浩銓 被指同 曹敏寶 過從甚密等等，仲傳出內幕爆出都係因為 支嚳儀放料云云。

支嚳儀無端被指係「中聲」負面新聞嘅放料人

星期日龍婷出事後首次見記者，佢就喺訪問講到唔認為係Venus放料，而近期再受欠債傳聞纏身嘅梁浩銓，於活動接受記者訪問時亦指Venus唔會講大話，為人真誠。

近日新聞主角先後現身時，就指唔認為Venus係爆料者

獲當事人澄清「還清白」嘅支嚳儀，近日忙住為餅店生意同《我推的野男Live！》主持，但係因為將同 周吉佩 古淖文 同 顏米羔 出發往美加參與演出，於是佢就把握時間同寶貝仔去沙灘游水，仲大曬泳裝同好身材。

正準備周末美加宣傳嘅佢，日前同小朋友到沙灘玩水

佢又同《野男》主持 胡蓓蔚 火火 仲有 陸浩明 預先報告，指自己將缺席兩星期主持，辛苦「陸·火·豹」三位拍檔主持大局，不過幾位拍檔就即刻出手取笑，又話羨慕妒忌，搞到Venus話會買足手信返港慰勞大家呀。

又先同《野男》嘅幾位拍檔請罪