巴黎奧運丨英國跳水王子戴利愛織冷衫減壓 認老難出戰2028洛杉磯奧運

顏值爆燈嘅英國跳水王子 戴利 Tom Daley 唔經唔覺經已30歲，第五度出戰奧運，日前佢同拍檔 Noah Williams 奪得男子雙人10米高台跳水奪得銀牌，TVB駐巴黎嘅主持鄭衍峰（Leonard）仲喺兩人得獎後做咗獨家訪問。

作為戴利粉絲一定知道佢其中一個減壓嘅活動係織冷衫。

呢個係戴利個人第5面奧運獎牌，佢表現得相當輕鬆，仲自嘲已係「老將」，好高興巴黎同自己家鄉相當近，其同性丈夫同兒子、家人亦到場見證。鄭衍峰問到粉絲最關心戴利會否再戰2028年洛杉磯奧運，戴利就回應話到時會超級老，要2028年先知有冇體能出戰。

TVB駐巴黎嘅主持鄭衍峰仲喺兩人得獎後做咗獨家訪問。戴利之前喺社交平台曬出呢次奧運冷衫嘅設計圖。

作為戴利粉絲一定知道佢其中一個減壓嘅活動係織冷衫，日前有網民捕捉戴利喺睇女子三米跳水嗰陣，坐喺觀眾席一邊織冷衫一邊睇比賽，相中見到戴利手上嘅冷衫經已完成四分之一。其實戴利之前喺社交平台曬出呢次奧運冷衫嘅設計圖，藍底加上紅色領邊，中間有巴黎24字樣、巴黎鐵塔以及奧運五環，腰部更有英國旗圖案，戴利更用埋電腦幫手預訂織法，超級認真!

戴利同拍檔 Noah Williams 奪得男子雙人10米高台跳水奪得銀牌。

疫情期間戴利培養咗織冷衫呢個興趣，上屆東京奧運，佢亦成功織出一件好有日式設計嘅白色毛冷外套，佢呢次再戰奧運除咗為自己攞牌定下目標，織好藍色「戰衣」係佢另一個小目標，大家期待戴利喺社交平台大晒佢嘅新冷衫。

問到粉絲最關心戴利會否再戰2028年洛杉磯奧運，戴利就回應話到時會超級老，要2028年先知有冇體能出戰。

上屆東京奧運戴利取得金牌後曾宣布退役，有兩年時間冇參加任何跳水比賽，呢次復出跳水為咗令兒子願望成真，佢同拍檔喺去年11月先共同練習搭檔，呢次有銀牌成績，算係有交代。

疫情期間戴利培養咗織冷衫呢個興趣，上屆東京奧運，佢亦成功織出一件好有日式設計嘅白色毛冷外套。